要聞港聞

政情:粉嶺哥球場具生態價值 梁宏正:繼續保育

梁宏正 梁宏正
梁宏正
過往被視為貴族運動嘅高爾夫球漸趨平民化,唔少市民都想盡情揮桿。但唔講唔知,位於粉嶺嘅香港哥爾夫球會粉嶺舊場,原來擁有百年大樹同埋幾百種珍貴嘅野生動物,一個地點就可滿足市民欣賞生態同打波嘅願望。該會會長梁宏正話,佢哋會繼續喺保育及教育方面下工夫,畀更多朋友享受呢片香港獨一無二嘅生態環境。
冀辦更多國際賽培訓新血
成立於1889年嘅香港哥爾夫球會,係亞洲歷史最悠久嘅哥爾夫球會之一,目前該球會喺粉嶺球場設有3個世界級球場,分別喺舊場、新場同伊甸場,並於深水灣設有一個9洞球場。
梁宏正指粉嶺球場不但為本地培育高球手,更孕育着好多珍貴動植物,當中包括「極度瀕危」嘅野生水松樹、受法例保護嘅裳鳳蝶、豹貓、赤麂等。而舊場第1至3洞每日傍晚免費開放,觀迎市民入內散步以體驗內裏嘅古蹟同自然生態。球會還特意為基層團體及學校舉辦自然教育徑導賞團,畀年輕人近距離認識香港動植物嘅多樣性同生態價值。
梁宏正又提到,高爾夫球愈嚟愈受歡迎,加上球會喺今年「世界白金哥爾夫球會」排名躍升至第52位,自2015年入選以來晉升19位,希望將來繼續培訓高球新血,舉辦更多國際賽事,令香港嘅國際形象更添姿采。
粉嶺哥球場棲息咗好多珍貴嘅野生動物,包括稀有嘅鐮刀束腰蟹。粉嶺哥球場棲息咗好多珍貴嘅野生動物,包括稀有嘅鐮刀束腰蟹。
粉嶺哥球場棲息咗好多珍貴嘅野生動物,包括稀有嘅鐮刀束腰蟹。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500