政情：賞葉人潮「累」街坊 梁福元又要諗計

梁福元尋日喺社交平台貼文，話喺疫情下，市民縱有假期，卻苦無離港機會，難得有郊外地方適合一家大小同遊，又有公共交通的配合，自然吸引不少市民去大棠睇紅葉，咁都無可厚非，但係對當地居民嚟講，就會出現好多困擾嘞！所以佢每年9或10月期間，就會去信民政處要求統籌跨部門會議，傾吓點樣可以將影響街坊出入嘅情況減到最低。

其實，早喺上個月底已開咗一次會，有啲巴士線會採特別措施同分流乘客避免人龍出現。但佢話喺今個月中，大棠山道已有堵車情況，而佢亦即時提供巴士暫泊地點，而喺早兩日嘅第二次紅葉會議上，亦希望警方喺嗰度執法，嚴禁車輛違泊道路兩旁阻塞交通，而警方亦話必要時會拖車。佢仲呼籲市民互相合作，城鄉共融，咁大家就玩得開心啲。