昔日東方政情：鄉議局好 客 盼九大簋齊歎
好多香港人都聽聞過「九大簋」，但到底係邊九道菜式，就唔係個個噏得出喇。新界鄉議局就聯同嶺南大學研究部製作九大簋研究專刊，將會喺今個月尾嘅客家文化節上發布，記載新界原居民對九大簋嘅感受同製造方法之餘，仲希望九大簋可以繼續傳承落去。
辦文化節 推廣傳統活動
非物質文化遺產諮詢委員會及資助計劃委員會委員簡汝謙（Ronald）話，客家文化節當日將會設有茶粿製作坊、九大簋展覽、客家功夫演出等節目，希望藉此推動客家文化。雖然鄉議局首次負責舉辦客家文化節，但佢認為係名正言順，希望嚟緊仲可以舉辦宣揚圍頭嘅活動，等港人更認識傳統文化。
唔單止咁，當日鄉議局仲會發布九大簋研究專刊。Ronald話製作過程都唔簡單，研究團隊要走訪不同鄉，搵不同師傅講解做法，發現原來九大簋都有好多款式，菜式仲會因應時代而變遷。之但係，幾時先有機會食到呢？佢就話九大簋本身都要大時大節先有機會品嘗，但係依家疫情緣故，盆菜宴都食唔到呀，只能盼望疫情快啲完喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
