昔日東方政情：鄉議局執委重回演奏廳開會
新界鄉議局執行委員會會議，向來都喺鄉議局大樓內嘅演奏廳舉行，但早前鑑於新冠肺炎疫情，為一眾與會者之間有足夠距離以減低染疫風險，於是移師到空間更闊落嘅大劇院舉行。最近有見疫情緩和，尋日起終於搬番去演奏廳開會喇。
早前疫情嚴峻，唔單止搞到開唔成執委會會議，原本可以出租嚟舉辦大型活動嘅大劇院，使用率更持續低迷，委員就選擇移師到大劇院內舉行會議。雖然大劇院空間大啲，但當時開會都要4人一枱。
疫情緩和後，大劇院出租率亦逐漸恢復，委員就決定返去演奏廳開會。雖則唔使再坐咁開，但人同人之間都係有透明隔板。畢竟疫情尚未結束，始終都係安全要緊。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
