政情：恐放監已變中年 劉頴匡打定輸數？

有前區議員喺社交平台上載劉頴匡寫嘅回信，劉話要保持生活中有新刺激，係保持身心年輕嘅最好方法，所以間唔中轉換吓生活模式同環境都係一件好事，但最令佢擔心喺度坐完三五七年後，會喪失咗最黃金歲月同青春歲月咁話。佢又話記得入警署準備還押前最後一次，對住傳媒講嘅說話，就係今次行入去之後，再出番嚟就應該已經年近中年。

劉又話只能夠希望保持健康嘅身體同靈活嘅思維，直到放監嘅一日，然後好好補償番虛耗嘅人生，仲話最能夠鼓勵到佢嘅係知道自己並唔孤單，有人會等佢，又有好多人同佢一齊受緊，個個都頂得住，冇理由佢頂唔住咁話。