政情：憶立會拉布打鐘聲 譚志源仍喊驚

譚志源喺2011年出任政制局局長，佢話以前喺政府工作時經常要到立法會，形容當時「（拉布）拉到天昏地暗」，會議舉行途中不停打鐘，之後議會開始出現掉雜物、搶文件夾及喺地上掉發臭物情況等，甚至花9個月仍未選出委員會主席，可想而知香港未發展，包括房屋供應、城鄉發展及就業等問題，因拉布原因得唔到有效處理。

深受拉布影響嘅佢仲提起，當時喺立法會審議遞補機制就面對兩個月拉布，需要通宵開會。至上屆政府上任後提出重組政府架構，希望設文化局及科技局，當時立法會又現拉布情況，未能喺該屆政府及立法會會期完成。

喺新一屆立法會下，佢認為香港競爭力下降，依家需要爭取失去咗嘅機會，希望每個界別自強，而行政及立法機關都要互相合作喎。