昔日東方政情：獲邀合辦大專辯論賽 港台請「食檸檬」
被視作辯論界盛事嘅「大專辯論賽」，協辦機構香港電台將停止合作，長達37年嘅關係就此畫上休止符。大專辯論賽籌委會日前表示，指港台唔會受邀舉辦來年嘅大專辯論賽準決賽及決賽賽事。港台回覆傳媒查詢時就表示，不時檢視及更新不同頻道嘅節目以及計劃項目，不評論內部編輯事宜。
籌委會前晚透過社交媒體發聲明，指本月9日向港台發函邀請主辦本屆大專辯論賽準決賽及決賽賽事。港台其後回覆話未能受邀舉辦。雖然「食檸檬」，但該會仍感謝港台多年來對大專辯論界嘅支持及協助，期望將來有機會再同港台合作。至於大專辯論賽將繼續舉辦，惟具體安排有待討論。
37年關係暫告一段落
大專辯論賽自1984年起舉辦，由各大專院校組成嘅籌委會同港台合辦，初賽於各大院校進行居多，準決賽則喺港台廣播大廈進行，決賽則多於5月初喺公開場所進行。
至於歷年決賽題目除涉及民生議題外，亦包括政治。如2003年「政制改革刻不容緩」、2005年「人大釋法有助落實一國兩制」及2015年「香港本土意識提升有利社會發展」等。不過，去年受疫情影響未能安排準決賽及決賽賽期，該屆賽事被迫終止。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
