政情：伍月蘭帶挈 楊彧重返舊議辦

楊彧尋日喺社交平台宣布呢個消息。話說早前嘅區議員辭職潮，令到房屋署出現大量空置嘅議員辦事處單位，為免資源浪費，今年9月房屋委員會曾向區議會秘書處發出信函，話港九新界加埋有122個議員辦事處單位，歡迎短期租用。而深水埗區議會副主席伍月蘭，就租咗楊彧原先喺海麗邨海禧樓嘅議辦單位。雖然議辦個招牌係伍月蘭嘅，但楊彧下星期返去「進駐」之後，咁豈不是楊彧藉伍月蘭嘅名義租番自己原來嘅議辦單位？

之但係，議辦租約屬短期性質，只係為期3個月，出年1月之後仲有無得用番呢個辦事處，就要視乎房屋署再抽籤嘅結果啦。