政情：梁繼昌應景 光棍節拮4針

梁繼昌喺貼文中交代要做針灸嘅原因，皆因佢患上網球肘，話可能要多半年至可以康復。至於「1111」代表啲乜嘢，大家可以各自表述。跟住佢又若有所指咁話，最近都好多人隻手有事，似乎想暗指政府高層連番有人整親手咁喎。

撇開做針灸，前日對梁繼昌嚟講都係一個難忘嘅日子，因為佢同郭榮鏗、郭家麒、楊岳橋嘅議員資格就喺舊年呢一日被褫奪。儘管網球肘終有復原嘅一日，但喪失議席之痛，就唔知幾時先至可以撫平啦。