政情：港台電視部削人手 傳蘇敬恆將調走

有消息指，包括蘇敬恆在內嘅電視部公共事務組多名員工，接獲通知將要調往其他組。本報向港台查詢人手調動事宜，港台回覆話唔會評論內部員工調配同個別節目嘅編輯事宜。至於蘇就回覆傳媒話，作為公務員無論喺任何崗位都會為人民服務喎。

事實上，港台人事變動不斷，包括港台電台部嘅助理廣播處長周國豐因為家庭理由喺4月請辭、7月9日離任；曾於舊年3月喺港台節目《The Pulse》中，訪問世界衞生組織代表嘅記者唐若韞（Yvonne Tong）其後亦辭職，而該節目曾被商務及經濟發展局批評違反一個中國原則；《鏗鏘集》部分集數下架、改由外判製作，監製李賢哲同樣已辭職。