政情：張建宗有嘢做 去港大做嘉賓講者

曾自嘲工作狂嘅前政務司司長張建宗離開政府至今已逾4個月，終於有新工返喇。政府尋日發稿，指前任行政長官及政治委任官員離職後工作諮詢委員會，認為張只要遵循委員會所建議嘅若干規限前提下，離職後擬接受嘅委約唔會構成任何潛在利益衝突。到底佢份新工係乜嘢性質呢？其實只係去香港大學擔任兩日嘅嘉賓講者啫。