關押希臘男子監獄 邵嵐嚇餐飽

邵嵐日前喺一個網台節目中提到，希臘警方嘅英語能力有限，所以佢由被捕嗰一刻開始，就喺溝通上遇到困難。到咗夜晚，佢同嗰位西藏女生被羈押喺一所監獄。邵嵐話入到去環顧四周，驚覺整個監倉都係男士，而班男犯發現眼前出現兩位亞洲女士，都感到好奇同詫異，結果成晚都喺佢哋兩個女仔嘅「臭格」外面，不斷拍門同隔窗窺望。初到「貴境」嘅邵嵐話唔識希臘監獄嘅規矩，又唔知道幾時先至可以獲釋，真係惶惶不可終日呀！

飽食驚風散嘅邵嵐，遭希臘警方關押咗一晚就獲釋，跟住就急急腳走返去美國。邵嵐喺希臘嘅還押經歷雖然係一場虛驚，之不過再有下次的話，就未必咁好彩啦。