政情：歐陽伯權續任港鐵主席

老實講，佢當年上任時遇上反對修訂《逃犯條例》風波，唔單止社會立立亂，唔少港鐵站都被破壞，好多設施同售票機都損毀，部分港鐵站更要關閉添！相信佢同班港鐵嘅同事都好難捱，但難捱嘅日子持續，事關被疫情夾擊，港鐵舊年由盈轉虧，錄得蝕48.09億元，係港鐵自2000年上市以來全年業績首次見紅。點解業績咁差，因舊年港鐵總乘客量下跌31.5%，預料客量需時一年才可恢復至原來水平呀！

政府話根據香港鐵路有限公司組織章程，以及作為大多數股份持有人，財政司司長法團已再度委任歐陽伯權為該公司董事局主席，為期兩年半，其任期將由2022年1月1日起生效，直至2024年6月30日。