政情：陳智遠憶換「搖搖」 打躉執蓋掩

陳智遠憶述自己細細個就甚為喜歡五顏六色嘅「搖搖」，而當時嘅汽水公司為咗促銷，曾推出眩目嘅「金搖搖」，只要收集某個數量嘅樽裝汽水蓋掩，就可以換取一個。陳智遠為咗要獲得心頭好，於是經常幫襯士多買汽水飲，為咗盡早達成願望，仲要等其他人飲完汽水之後，執起佢哋留低嘅蓋掩。之但係風靡一時嘅「搖搖」熱潮，汽水樽蓋掩就好似錢幣咁矜貴，到底陳智遠可以執到幾多個蓋掩呢？咁就不得而知啦。

雖「搖搖」已經從好多人嘅視野中消失，但陳智遠喺宣傳片中亦都一展佢嘅「搖搖」技巧。儘管技巧有啲生疏，不過鏡頭只係匆匆兩三秒，都總算呃得吓人咁話。