政情：自嘲落難 黎梓恩酒吧炒散

原來黎梓恩喺今個月頭獲得灣仔某間酒吧嘅聘用，儘管黎自嘲話落難做酒吧，不過都話唔計較，喺社交專頁留言指市道艱難，難得有老闆肯收留喎。待遇方面黎並無交代，只係話生意好啲先有人工加，依家惟有炒散頂住先！之但係過咗幾日，黎更新近況時話「炒咗三日散」，老闆就話生意淡薄，叫佢一個星期返4日工。照咁講，香港嘅消費巿道確係不景啊！

黎梓恩又話，冇得做區議員真係多咗好多時間，而平時收咗工就會去做運動，畢竟今時今日鍛煉身體最緊要咁話。