政情：貝鈞奇為體育出力 爭辦全運會開幕式

講起體育運動，貝鈞奇話自己主要以步行為主，唔多跑步。但佢話希望藉東京奧運熱潮推動運動普及化，強調運動不分種類、強弱，主要係畀各年齡層人士都能夠參加，促使政府積極推動運動產業。對於香港將與澳門同廣東省合辦2025年全國運動會賽事，佢就話會繼續爭取全運會開幕儀式，以及更多比賽項目喺香港舉行喎。

講番貝鈞奇出席嘅慈善跑活動啟動禮，話說有團體由2017年開始，每年舉辦一次愛心慈善跑，冀透過跑步行善助人之餘，亦增進環境保育以及海洋生態嘅知識，但過去兩年慈善跑因為社會事件同埋疫情要改為線上舉行，明年1月2日始恢復為實體賽事。佢話樂見慈善活動同體育活動結合，亦希望參加者可以邊跑邊了解生態保育，都算係為地球環保出一分力。