醫健：職場健康：開工前熱身 減受傷風險

全哥就提醒安仔說：「見你平時都好注意安全，搬貨都保持腰背直用腿發力，仲攞埋車仔幫手！不如你試吓開工前跟我一齊做吓熱身運動？」

安仔說：「咪講笑啦，開工前熱身？打波前做熱身就聽得多，每日開工都要趕頭趕命咁，仲邊有時間做熱身呀？」

全哥說：「我不嬲開工前都會做足熱身運動。就算你身體再強壯及再年輕，唔做足熱身運動都會增加體力勞動時受傷嘅風險。」

安仔問：「吓！熱身運動原來係咁重要！咁應該點樣做？」

全哥答：「做熱身運動目的是令身體從靜止狀態逐漸過渡至運動狀態，一般只需做5至10分鐘，令心跳加速和體溫稍為上升，增加血液循環和令關節更靈活，仲可以提升運動表現及避免受傷。熱身運動主要以柔和、輕鬆自然為主，節奏從慢至快，直至呼吸和心跳明顯加快。你可選擇慢跑、兩手在旁擺動或一些動態伸展動作，例如雙手打圈、高抬腿，接着可進行俗稱『拉筋』的靜態伸展動作。」

全哥繼續說：「其實除咗開工前做熱身運動，喺公餘時間，我哋都應該經常做運動鍛煉身體。如果能夠持之以恒，除咗可以增強心肺功能，促進血液循環，更可以促進新陳代謝，防止脂肪積聚。身體夠健康，工作自然更得心應手。平時工作咁忙壓力又大，以做運動幫助消除工作及生活所帶嚟嘅壓力，絕對係一個好方法。」職業安全健康局\nwww.oshc.org.hk