政情：玩輪椅籃球 羅致光射極唔入

羅致光首先去一個設有單車腳踏嘅展館，用意係為長者提供復康服務，設施設有計算心跳同能量功能，仲可以跨院舍比賽。期間羅同幾位嘉賓一齊試玩，起初佢都係落後（口架），不過後來愈踩愈有，成功追返上嚟，比賽結果仲顯示佢心率正常。

之後佢移步去一個為傷殘人士而設嘅輪椅籃球項目，運動項目使用嘅輪椅經特別設計，重心比較低唔易翻倒。踩完單車腳踏嘅羅仲未回氣，就同兩個青少年切磋，期間佢坐喺輪椅，嘗試單手攞波同埋傳波，動作方面還過得去，但一去到射波就唔掂啦，明顯技巧生疏，幾次投籃都唔中，眼界真係差咗少少咁囉。