政情：趙恩來轉倉 鬥木過日晨

失去自由嘅鐵窗生涯，可謂度日如年。支聯會前常委兼荃灣前區議員趙恩來，因為舊年嘅六四集會案，被控煽惑他人參與未經批准集結罪成，月前被判囚8個月，依家喺白沙灣懲教所服刑。日前佢嘅社交平台上載獄中信，話依家嘅監倉生活未算太沉悶，事關佢可以閱讀書報、同囚友傾談之外，仲可以藉鬥木嚟打發時間。