政情：議席增加 立會趁休會鋪電線

尋日本報記者喺立法會發現，1樓會議廳、2樓會議室、同埋走廊嘅部分地板都被揭開，有工人正進行工程。據了解，因為下屆立法會議員人數由70人增至90人，有必要增加座位，所以鋪設電線準備。

另外，由於6個數碼電視節目台由12月1日起轉用新發射頻率，立法會秘書處指，機電工程署將由11月6日開始，逢星期六更換立法會綜合大樓嘅廣播接收系統嘅各分層裝置，預計喺12月初完成，期間信號接收將會短暫中斷。與此同時，機電署會陸續為大樓各用戶嘅數碼電視接收設備，例如機頂盒、數碼電視機等，重新搜索數碼電視節目台，預計喺11月9日完成。

秘書處又指，立法會綜合大樓地下大堂由11月8日至10日會進行高空地方清潔工作，清潔期間相關地點包括扶手電梯範圍會暫時封閉。