政情：通關無期情緒受困 市民要「璆」診

潘醫生話內地至今仍然唔接受從香港赴內地免隔離，令好多需要往來兩地嘅人都感到十分不便，更加有市民因為通關無期而情緒大受困擾，要搵佢求診。

據佢了解，香港一直無法同內地及澳門通關嘅最主要原因，係因為香港無一套具有追蹤功能嘅健康碼。對於有人質疑政府追蹤市民行蹤等於侵犯私隱，佢話其實大家每日都用嘅社交平台例如Google、Facebook等都有記錄用家私隱，亦會應當地政府要求上繳數據。佢批評唔少港人心向西方，對於中國嘅一事一物充滿偏見，總係不以為然，當中恐怕就有不少政府官員同公共衞生專家。

佢認為香港嘅唯一出路就係全民使用有追蹤功能嘅健康碼，同內地看齊，盡快通關。佢話通關後港人喺內地嘅生意能夠運轉，而無機會出國嘅內地遊客亦會重臨香港，令香港嘅繁榮景象重現喎。