政情：食環滅鼠無能 搞爛gag丟人

跟住清潔龍又話，就算天天捉鼠，都要捉對的鼠。又指香港常見嘅老鼠有三種，包括溝鼠、黑家鼠同小家鼠。只要用滅鼠三式，以食住行三重限制惡鼠，就可以防治鼠患啦！但佢講完之後又好似知道有啲唔對路喎，事關可愛嘅天竺鼠，好難牽扯到醜陋嘅坑渠老鼠囉，於是清潔龍就向網民求教兩者嘅分別，結果漁農自然護理署喺佢嘅專頁留言，指天竺鼠屬於豚鼠科，來自南美洲，又話天竺鼠好得意，但帶佢哋返屋企前，記得要考慮清楚，做個負責任嘅主人呀！

其實講到尾，天竺鼠同坑渠老鼠根本就係兩樣嘢，好難類比囉。為食環署代言嘅清潔龍與其玩爛gag，不如叫同事落力啲，每天捉老鼠交出成績，做個負責任嘅部門仲好啦。