政情：飯局疑違禁令 民建聯人才庫成員話冇犯聚

有傳媒發現上星期六（23日），鍾宇軒喺佐敦一間泰國餐廳訂枱，傳媒目睹10幾個人除低口罩，逼喺走廊暢談。而離開時亦喺廣場外短暫逗留聚集，亦有人繼續除罩傾偈喎。鍾宇軒回覆傳媒話，聚餐屬於自己嘅私人活動，認為冇必要同公眾交代私人生活。至於陳穎欣被問到當晚行為有否違反禁聚令，佢就推搪話做緊嘢，剪緊片趕住出，之後4度唔聽電話。後來佢出席記者會時，指自己遵從禁聚令，只係食飯先至除口罩。

民建聯主席尋日出席記者會就難逃一劫，要幫手解畫，佢話一直呼籲所有該黨成員要以身作則，一定要尊重政府嘅防疫規定。另外就話由於有關聚會並非該黨嘅聚會，並冇了解過聚會內容喎。