昔日東方政情：戴耀廷變瘦 話踎監利靈修
2014年違法佔領行動（佔中）發起人之一嘅戴耀廷，現時雖就佔中案服刑，但仍然官司纏身，稍後需面對因發起民主派「35+」初選，被控違反《港區國安法》嘅案件。不過佢竟然話喺獄中更加有用，係咪真係咁樂觀呀？
朱江瑋心急飛車探訪
油尖旺前區議員朱江瑋早前被政府裁定宣誓無效遭褫奪議席，佢前日喺社交網站貼文，話終於向民政事務處完成交還物資程序，之後就即刻飛車去探戴耀廷。佢話為咗見戴，仲專程着上一件六四上衣，話感覺適合啲喎。佢亦重提佔中事件，原來佢當時係其中一個有份催促戴啟動佔中嘅人，之後香港開始翻天覆地，而戴都開始荊棘苦路喎。
朱江瑋話戴耀廷瘦咗差唔多一個碼，但精神幾好。仲話戴作為一個超級樂觀主義者，覺得自己繫獄比起出面更有用，因為有宗教信仰嘅戴認為，在囚都係靈修嘅好機會咁話喎。朱江瑋仲話可能樂觀會傳染，探完監心情都好咗啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
