政情：積金強制轉年金 勞福局暫不考慮

至於極具爭議嘅取消強積金對沖安排，政府就此將於下個立法年度提交條例草案，冀「積金易」平台於2025年全面運行時實施有關安排，屆時政府亦會落實為低收入人士代供強積金。議員柯創盛恐怕取消對沖安排會引發「炒人」熱潮，勞工界議員潘兆平則關注政府會否為家庭主婦代供強積金以加強退休保障制度。

羅致光都話擔心出現遣散潮，憂慮有僱主誤信錯誤分析及謠言解僱員工。羅認為僱主最好係保留聘用時間較長嘅員工，因日後不能對沖嘅遣散費及長期服務金累積承擔額係會較低，強調僱主喺法例生效前或後不久遣散員工並冇「着數」。羅又話，政府暫時未有計劃為無業人士代供強積金。