要聞港聞

政情:沈豪傑再當選元朗區議會主席 冀完善制度後區會重賦撥款權

沈豪傑話要重建市民對區議會處理地區行政嘅信心。(劉螢諭攝) 沈豪傑話要重建市民對區議會處理地區行政嘅信心。(劉螢諭攝)
沈豪傑話要重建市民對區議會處理地區行政嘅信心。(劉螢諭攝)
元朗區議會過去由民主派主導,但宣誓問題令情況逆轉。因原主席黃偉賢日前遭政府褫奪議席,該區區議會尋日舉行補選主席,上屆主席沈豪傑喺無競爭情況下當選。對於外界指應取消區議會制度,已擔任區議員10年嘅沈認為區議會係貼近民情、反映民意嘅組織,只要完善制度及組成就值得保留喎。
重建市民信心
鑑於呢兩年嘅社會情況,沈話區議會嘅認受性已大降,故最重要嘅工作係喺有限資源下提升認受性,重建市民對區議會處理地區行政嘅信心,佢亦希望未來可以做更多青年工作。至於該區區議會內已冇民主派代表,佢就指喺會上有人提出設增選委員,佢亦希望可物色有志之士,或來自分區委員會、撲滅罪行委員會及防火委員會委員加入,未來將與區議員及部門商討有關建議。
至於政府收回區議會就社區參與及地區小型工程計劃嘅撥款權,佢舉例指有區議會只剩番兩名議員難以運作,對政府而言需要18區看齊處理,故明白及理解政府為何收回財政權力,但都希望未來制度獲改善後,政府可重新賦予區議會撥款權。
另外,由於該區只剩11名建制派區議員,會議上亦通過將8個委員會及12個工作小組,改組為社區事務、文康事務及地區設施管理、環境改善和交通及運輸委員會,全體區議員將會加入。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500