政情：柯創盛買唔切蛋糕 太太生日食漢堡

柯仔日前喺Fb貼文，指佢屋企嘅「CEO」，即係太太生日。佢感慨平時能陪伴太太嘅時間已經少之又少，所以太太生日咁重要嘅日子一定唔會忘記。不過柯仔當日全日仍要喺立法會馬拉松式開會，下晝又要趕落區出席活動，要到夜晚先可以同太太慶祝啊。佢連禮物同埋蛋糕都無時間挑選喇，惟有買兩個漢堡包當做生日蛋糕先啦！

佢又感謝太太喺佢身邊陪佢走過高山低谷，支持同埋鼓勵佢，等佢可以無憂無慮咁投入工作。而佢最大嘅心願就係太太身體健康，以後都可以陪伴自己。另外佢仲上載咗張同太太對住湯匙影嘅合照，話希望太太會鍾意佢安排嘅慶生環節喎。