政情：臨收山開議辦 黃國健：難得有舖位

署理行政長官李家超亦有到場，佢致詞時話議辦可以即時為居民服務，又可以喺政府推出新措施時推廣落地。KK話過去兩年香港受到黑暴同疫情雙重打擊，基層市民生活水深火熱，而增設議辦就可以提供多元化服務，讓服務惠及更多市民。佢仲話喺樂華邨增設議辦反映地區工作得到市民支持，希望繼續服務基層，即使今屆立法會會期即將完結，但地區工作唔會停止。

前議員鄧家彪亦都話，呢個議辦唔單止會做好勞工權益同長者服務，亦會做多啲社會創新，發展其他切合社會需要嘅服務，以創新嘅意念應對社會問題。