政情：博士愈來愈多 楊德斌話冇唔妥

楊德斌尋日出席一個科技論壇記者會，期間佢提到社會發展好需要專才，儘管專才並非只限於博士，就算無學位嘅人都有機會稱雄於某個領域，但比例上仍需要相當嘅博士或院士等高學歷人材，當一個社會嘅博士愈來愈多，只係代表學術水準高咗，同埋充實咗人才庫。至於學歷貶值嘅問題，就要視乎市場規模夠唔夠大，能否吸納咁多專才嘞。其實喺講求創科嘅時代，好多看似傳統嘅行業，其實都需要資訊科技專才，譬如疫情下大家都多咗選用嘅外賣平台，其配對運作就需要資訊科技。

雖然要進身為博士，理論上只要寫論文就可以，不過楊德斌話博士論文要過關，必須要提出為學術界所接納嘅獨到觀點，而呢一點就唔係咁易可以做得到喇。