要聞港聞

政情:議員組隊打波 有外援照輸學生哥

鄭泳舜(左三)話球隊初嘗「零的突破」。 鄭泳舜(左三)話球隊初嘗「零的突破」。
鄭泳舜(左三)話球隊初嘗「零的突破」。
有見議員生涯係多見燈光少見陽光,平時冇咩機會做運動,議員鄭泳舜(Vincent)早前就同幾位議員同事,以及政府官員組成龍和籃球隊,尋日約埋一齊參加葵青警區5人籃球邀請賽。之不過,唔知平日係咪坐得冷氣房多、運動量有限,最後都逃唔過輸波嘅結果。
鄭泳舜有份 「比賽第二」
呢支以建制派議員為骨幹嘅籃球隊,民政局局長徐英偉都係其中一位成員。籃球隊之所以取名「龍和」,因立法會附近有條龍和道喎。而成員之一嘅Vincent將尋日嘅賽事過程上載社交網頁,話佢哋呢支新進男子籃球隊吸取之前3人籃球賽嘅經驗,參與尋日嘅5人籃球賽之前已加緊練波,仲換埋新波衫,邀請多位強力外援加盟!又話隊友努力拚搏,終奪首勝。但又最終拎唔到冠軍喎,咁到底龍和隊嘅成績係點呢?
Vincent所講嘅「首勝」,其實係指龍和隊「零的突破」。而真正奪冠嘅就係一隊中學生。雖然龍和隊今次有搵強力外援,但畢竟「拳怕少壯」,學生哥勝出賽事都好合理。Vincent話比賽第二,最重要大家做多啲運動,強健體魄。
第一手消息請下載on.cc東網 iPhone/ iPad/ Android/
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500