政情：康體場地不足顏汶羽打天橋底主意

顏汶羽認為天橋底既然難以興建建築物，點解唔地盡其用，改劃為康體場地呢？佢話天橋底既是戶外，亦有蓋，最適合興建籃球場、板球場、單車學習徑等康體設施。政府亦應調整規劃標準大綱，提升人口與康體場地嘅比例，特別係已多年無再興建嘅足球場、以及經常訂唔到場地嘅羽毛球場等等。

同埋透過一地多用原則，喺建屋嘅同時，大量興建體育場館，以提升居民嘅生活配套，此舉既可解決土地問題，亦紓緩原區居民嘅反對聲音咁話。