昔日東方政情：民協派人參選入閘機會難料
民主黨早前就是否參選立法會而爆內訌，最後冇黨員報名參選，仲有資深黨員話考慮退黨。呢場鬧劇未完，另一泛民政黨民協，尋晚亦召開特別會議，決定是否派人參選。民協署理主席楊彧表示，尋晚嘅特別會議通過，決定開放讓民協會員報名參選12月嘅立法會選舉，承認入閘機會難以評估。
多人辭職 資源打折扣
楊指授權執委會處理報名程序，將由今日到本月22日開放報名，23日執委會則會開會處理報名。喺處理報名方面，楊話會考慮該會員能否代表民協，以及民協資源能否配合，稱與過去嘅參選門檻冇分別，又強調並無參考其他政黨嘅做法。
楊表示決定開放參選係艱難決定，目前未知有否會員或已失去區議員議席嘅民協會員報名，目前難以評估入閘機會。楊承認民協多名區議員辭職，令資源大打折扣，能支持會員參選能力有限。
雖有意見認為民協參選作用不大，但楊指有會員主張民協要喺立法會反映民意，尤其是基層議題，議會不應只得一種聲音。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
