昔日東方政情：社會激進未解 周伯展籲政府設委員會紓緩
香港經歷2019年反對修訂《逃犯條例》後，社會積累唔少怨氣。身兼民間智庫嘅會長、眼科醫生周伯展喺社交平台上傳影片，話香港激進化未過，就好似今年7‧1就出現孤狼式恐怖襲擊事件，呼籲政府成立委員會去激進化，同埋提醒市民留意身邊有激進行為嘅人士，有必要就報警咁話喎。
需免除恐怖襲擊
周伯展話凝聚民心需要3方面做起，包括要免除激進化行為，話社會依家仲有暗湧，譬如有公務員拒絕宣誓、幾萬人選擇移民外國等，更加出現孤狼式恐怖襲擊事件。佢話外國都有成立委員會處理相類似事件，希望港府都會參考，遏止呢啲行為，免除恐怖襲擊。
對於到依家內地同香港都未能通關，佢話部分市民同親人相隔兩地，見唔到面都會引致社會撕裂，佢亦呼籲市民戴好口罩、勤洗手。唔單止咁，佢仲話貧富懸殊問題都影響香港，強調香港堅尼系數太高，香港人平均住房面積仲要只有150平方呎，希望港府參考內地扶貧政策，實行第3次財富分配，鼓勵大企業回饋社會，否則香港就會繼續沉淪喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
