政情：吳錦雄被DQ 8號波吹冧橫額贈興

吳錦雄前日貼文，上傳辦事處外一片凌亂、橫額被吹爛情況，話「乜得咁應棍DQ，9號打8號，斷埋」，不過就未有得到安慰，反而畀網民批評佢「反中亂港分子，是沒有好下場的」。佢尋日又再貼文宣布，由於已經唔係區議員，所以呢個Fb都要終止運作。佢又話呢10年嚟得到街坊照應，最後都要講一句「別了」。

根據過去宣誓結果，區議員如果曾參選上年民主派「35+」初選，或者借出議員辦事處作為初選票站，都係被裁定宣誓無效嘅高危人士。吳正正就係曾借出議辦做票站，所以最後都難逃被DQ嘅命運。