昔日東方黃雨焗送子女返學 轉頭紅雨又接放學 家長不滿
【本報訊】昨日天氣非常惡劣，多區出現水浸，滂沱大雨下不論學生及上班族都顯得相當狼狽，而黑色暴雨警告在中午襲港一小時後，昨早已上學的學生又要在紅雨下放學。不少打工仔及家長如洪水般湧入天文台Facebook專頁，鬧爆天文台罔顧學生及市民安全：「大雨到咁都係黃雨？」、「冧棚架都仲係3號波？」等等，質疑天文台是「預測定實測？」更有網民貼出多區出現水浸、私家車擋風玻璃被壓爛的相片。
鬧爆天文台罔顧學童安危
黑雨下有學校暫停校巴服務，需要家長接送，有家長就憂慮子女上學安危：「除咗睇住個股市，可唔可以都睇吓家長嘅心情？」、「今朝咁大雨只係黃雨！好不容易送晒返學，即刻轉紅雨再轉黑雨！返學放學時間咁大雨，有冇考慮過學生嘅安危？有冇體諒過家長嘅心情？有冇理解過家長嘅擔憂？」亦有人希望天文台可更寬鬆處理暴雨警告，考慮學童安全問題。
在另一討論區，不少家長就認為天文台做法沒有問題，認為應讓子女有「難忘上學回憶」，「其實都學習吓惡劣天氣下又未停學，返學會係點，算係一種經歷。」不過，有網民認為上學與否，家長應自行決定，「咩雨都好，自己覺得危險就自行停課，生命係你嘅，覺得危險就自己決定點做。」天文台在昨日凌晨4時40分發出3號強風信號，以及在昨早11時20分發出紅雨。根據教育局指引，只有發出紅雨或黑雨警告，以及8號預警或8號或以上熱帶氣旋警告信號，所有學校才應停課。
本文連結 : https://orientaldaily.on.cc/content/要聞港聞/odn-20211009-1009_00174_002/黃雨焗送子女返學--轉頭紅雨又接放學--家長不滿
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
