昔日東方政情：消夜被偷食 岑敖暉與鼠為伴
大批參與去年民主派「35+」初選，涉違反《港區國安法》嘅泛民主派人士正被還押，當中唔少都有同外界透露，話喺獄中見到「小強」，要想盡辦法去對付佢哋。而同樣正被還押嘅荃灣前區議員岑敖暉，近日發現有老鼠偷食佢嘅消夜添呀。
一度懷疑自己食咗
岑話喺獄中，晚飯之後每個人都會獲派一杯奶同埋一個提子包做消夜。某個夜晚佢冇食到個包，而係用報紙將佢包起放喺門口。當佢第二日起身，發現報紙竟然攤開咗，而提子包就不翼而飛。佢左翻右翻，報紙係輕飄飄嘅，完全冇麵包嘅蹤影。岑於是懷疑係咪自己半夜肚餓食咗都唔知，不過認為冇可能，先諗到應該係畀老鼠偷走個包，仲發現倉外有包碎添！
早前岑敖暉講過話盡力保持監倉清潔以趕絕「小強」，依家竟發現鼠蹤，唔知係咪清潔工作做得未夠好呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
