政情：涉普通襲擊 甄啟榮逃亡英國？

甄啟榮靜靜雞離開香港，喺上月初已見端倪，話說佢喺自己嘅社交專頁向一宗火警嘅死者致哀，同時話「雖然阿甄已經離港，未能回來協助。」當時就有網友問佢是否已經離港，亦有人留言祝佢海外生活愉快，但佢都只讀不回。直至上個周末，佢喺社交專頁上載港人喺英國示威嘅短片，而地點就標示喺倫敦！有網友問佢點解唔去加拿大，佢只係簡單咁答一句「情況有啲複雜。」

今年6月初，甄啟榮喺白田邨擺街站同途人發生衝突，後來遭警方以「普通襲擊」罪名拘捕。到底呢單案件係咪導致佢要出走呢？恐怕要佢本人先至知喇。