政情：政制局設內部小組檢視選舉 曾國衞冀安排高效人性化

議員葛珮帆斥選管會並無善用科技解決問題，期望日後可以物色與時並進、有創新思維嘅人選擔任選管會主席。葛又提及選管會選舉雖有使用電子派票，但安排唔順暢，坦言對即將舉行嘅立法會選舉感到擔憂。佢話點票時間愈來愈長，建議當有界別產生結果就可率先公布。鑑於好多市民投票後要上班，認為局方不應延遲投票時間，應早開始、早結束，曾國衞就話會再三研究，暫時未有定案。議員柯創盛就話曾國衞反應正面、回應清晰，樂意聽取意見，希望曾可確保將來嘅選舉唔會出現亂象。

立法會政制事務委員會主席周浩鼎，就指選管會選舉點票程序繁複、點票職員培訓不足，唔熟悉程序而令「好多嘢卡住」。周促請局方喺日後嘅選舉增加人性化安排，例如向在場等候結果人士提供飲用水。若然票站出問題，可用廣播方式及早通知公眾，又或者在地圖上標示出問題嘅票站。