昔日東方政情：牢中林卓廷 話運動「體」現自由
因參與去年民主派「35+」初選，涉嫌違反《港區國安法》而被還押嘅前議員林卓廷，儘管身陷囹圄已經大半年，但佢話鐵窗之下反而更積極咁利用僅有嘅自由空間，去做自己想做嘅事，以體現自由。而佢所指「想做嘅事」，就係做運動嘞。
林卓廷嘅社交網站尋日更新佢嘅近況，佢提到喺監獄入面，大部分嘅日程都被規劃，為免心理上陷於麻木，於是會利用朝早起床後嘅自由時間，喺倉內獨自做運動，譬如做120下掌上壓、500下上腹sit up、再加來回跑，同時又會善用放風時間參與群體運動，請教有健身經驗嘅囚友如何糾正健身動作。佢話做運動不但可鍛煉身體，亦可為刻板嘅生活注入屬於自由嘅含義、重塑心靈，日子就冇咁難過喎。
嘆做議員時冇得健身
佢話以前仲係議員嘅時候，都有喺立法會辦公室放置健身工具，但係議員生涯忙於開會、見市民等，根本冇咩時間掂啲健身工具。依家入獄冇任何器材喺手，反而可以更隨心做運動，仲話已經見到一排「朱古力」嘅雛形添。咁講落，莫非獄中生活仲好過做議員，有更多自由時間做運動？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
