昔日東方政情：畢東尼在英：回望過去似隻狗
觀塘前區議員畢東尼因為健康理由辭職以及宣布退出政壇，仲已經去到英國同家人團聚，其後仲反擊外界批評，自己將社交專頁名稱改為「返英國食炸魚薯條」。佢尋日發文話以前做到成隻狗咁，依家就好似雀鳥般自由。嘩，真係唔怪得人話佢返英國風流快活喎！
畢東尼大呻話以前嘅生活好艱難，做嘢做到成隻狗咁。提到近況，佢就上載一張開車自拍照，話金錢唔可以為佢帶嚟愛、健康、時間、自由同快樂，而依家正正擁有簡單、愉快嘅生活。至於佢隔籬就有一個當地外賣公司嘅速遞袋，望落似係開車送外賣，有網民留言問揸貨車唔係可以搵多啲咩？畢東尼就回覆話係嘅，不過足夠就已經可以。
任區議員時被鬧拋低居民
話說舊年12月，畢東尼身處英國探親，但當時適逢畢東尼嘅選區、九龍灣麗晶花園爆疫，遭到網民鬧爆話佢拋低當區居民，不如索性長居英國，後來果然一語成讖。畢東尼仲似乎要話畀大家聽，佢就喺外國優哉游哉啊！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
