政情：參觀城大模擬實驗室 鄧炳強交流核應急

鄧炳強喺城大及中電高層管理人員陪同下，到低碳能源教育中心參觀，並聽取有關大亞灣核電站設計及運作介紹，其後又到核子反應堆模擬實驗室，觀看城大機械工程學系嘅專家示範核電站如何處理核事故，亦有就核電未來發展及核安全等事宜，同城大及中電高層管理人員交流討論。

鄧炳強表示，國家長期保持良好嘅核安全紀錄，核電站嘅營運及建造方面均位處世界前列。然而，優良應急管理須具完善嘅應變方案，因此特區政府已制訂一套全面嘅《大亞灣應變計劃》，訂明有需要時各個部門應採取嘅措施。鄧強調會繼續與本地相關機構及內地相關部委保持密切溝通，以做好核應急準備嘅工作，減低一旦發生事故可能對香港市民構成嘅健康同衞生風險。