政情：獲港大續約5年 張翔有排煩

校委會話對張翔有信心，相信佢能繼續發揮領導能力，將港大提升至更高水平。聲明又提到，港大繼續開展多項具有開創性嘅戰略性項目，當中好多項目都係由張翔發起嘅，包括薄扶林校區「Tech Landmar」項目、港大深圳校區發展及全球教授招聘計劃，並指出呢啲項目為港大喺世界取得更高成就。至於張翔就表示，會帶領大學發展再創高峰，提升港大喺本地和國際嘅地位同埋聲譽。

其實張翔上任後一年就面對反對修訂《逃犯條例》示威風波，港大已經合共有4名副校長請辭，去到今年5月香港大學多名前學生會成員又發公開信，要求台灣中研院撤銷港大校長張翔嘅院士資格，其後更出現評議會通過「哀悼」7月1日恐怖襲警者的動議一事，4名港大學生被捕，依家仲要面對國殤之柱係咪要移走嘅爭議，睇嚟張翔未來5年任期都有排煩喇！