政情：陳茂波快閃沙田 派雪糕與民同樂

陳茂波尋日喺社交網站分享短片，藉住同市民分享雪糕，冀大家一齊消費、振興經濟。而雪糕車車身就貼上消費券計劃嘅宣傳牌，原本雪糕價格就打咗個大交叉。雪糕車車牌仲要係「FS」字頭，即係財政司司長職位英文簡稱，真係巧合。

見到好多家長同小朋友圍住部雪糕車，陳茂波話自己細個都好鍾意食軟雪糕，如今有機會坐喺部雪糕車裏面親手將一杯杯雪糕遞畀巿民，感到好興奮。有人問到佢覺得軟雪糕整成點嘅時候，佢就話仲要多加練習，應該會愈嚟愈好，雖有師傅從旁指導，但鏡頭一轉，就見到有一條失手跌落嘅軟雪糕！