政情：白鴿黨員想參選 要先攞黨內40提名

民主黨喺星期日嗰陣淨係話會將提名及報名參選程序交畀中委會處理，而中委會尋晚召開特別會議，跟進會員大會授權事宜，中委會經過討論後，決定黨內提名程序，有意參選嘅會員需要獲得其參選選區所屬支部20名會員及其他支部各5名會員嘅聯合提名，詳情及日程就會喺今日先公布喎。睇番日前民主黨特別會員大會，有黨員主張有意參選者需取得5大支部、各10名黨員提名嘅門檻。

之前就話要攞50個黨員提名，依家就減至40個，表面看似門檻低咗，但一個支部要攞20人嘅提名，難度相當高。究竟門檻算係高咗定低咗呢？點講都好啦，都係對參選者製造難題。