政情：西九又人事變動 顏金施任副行政總裁

局方話顏金施作為副行政總裁（區域發展），負責監督西九文化區（西九）嘅基礎建設、文化藝術設施以至配套設施工程的發展和建造，亦會主責制訂整體策略，推動區內的酒店、辦公室、住宅，以及零售、餐飲同消閒業務嘅發展。

管理局又話顏喺規劃、建築、品牌和市場推廣、營運，以及物業管理等範疇擁有豐富經驗，將有助推動管理局的項目發展，目標係將西九建設成為全球最多元、最富活力嘅藝術同文化中心。

管理局副行政總裁（區域發展）屬新設職位，負責帶領同監督西九嘅發展同整體嘅日常運作，包括工程項目管理、業務發展同西九嘅營運，藉此加強各部門嘅協作，提升效率。

西九文化區管理局早前出現多個高層職位懸空，先有前行政總裁栢志高喺去年11月離任、表演藝術總監方美昂亦繼而請辭，接着有首席工程總監司徒澤民私人休假兩個月後突然離任、原定本月約滿嘅首席財務總監馮潔儀亦喺上月不作續約離任。