昔日東方政情：林奕權嘆疫下 難辦九大簋
港人喜歡將盛宴形容為「九大簋」，但九大簋到底係乜嘢嘅菜餚呢？就唔係人人都答得出！為咗令「客家文化節」計劃中嘅九大簋研究專刋內容更豐富，新界鄉議局近日到訪多條鄉村進行拍攝同埋訪問。其中大埔鄉事委員會主席林奕權就話，九大簋要喺特別喜慶日子先至有得品嘗，但礙於疫情今年就應該冇機會喇。
雖然九大簋同盆菜，兩者都被列入香港嘅非物質文化遺產，但林奕權話九大簋就唔似盆菜咁容易食到喎，佢強調要一飽口福真係要特別情況先有機會，仲要有人好慷慨咁請大家食，實在好難得，當時村民共嘗珍饈美饌，觥籌交錯氣氛十分熱鬧咁話。佢又話大埔林村幾年前都有舉辦過九大簋晚宴，但疫情陰影下，就算有人請都冇機會咁多人同枱食飯喇，甚至遲啲連林村許願活動，都可能要停辦添呀！
至於計劃中嘅九大簋研究專刊，鄉議局將陸續到訪不同嘅鄉村，邀請村民分享製作心得並進行拍攝。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
