政情：民主黨若棄選立會 李華明揚言退黨

李華明話民主黨唔去參選，一來會少咗個議政平台，無論處理民生政策、反映市民意見，或者為市民處理問題等，樣樣都做唔到，佢透露曾經要將市民嘅求助個案轉交建制派嘅議員處理，感嘆真係冇辦法吖嘛。

不過，區議員依家陸續開始宣誓，被外界視為該黨「主選派」嘅東區前區議員蘇逸恒，日前都喺宣誓後被政府DQ，未來該黨嘅區議員有幾多個會被DQ仍然係未知之數。李華明就認為，要視乎DQ情況而決定參唔參選嘅睇法好勢利，佢覺得民主黨即使喺惡劣嘅環境下都應該盡力參選，會唔會被DQ、或者之後有冇機會喺選舉中勝出係另一件事，但作為一個政黨嘅大原則係一定要參選嘅。