昔日東方政情：鄭泳舜「中獎」 下月出戰渣馬
今年嘅渣打馬拉松下個月可以喺疫情下重新舉辦，熱愛運動嘅議員鄭泳舜一直好期待抽籤結果，早前終於收到喜訊，有份參與半馬賽事。佢話今次通知期比較短，好多朋友都密集式訓練，至於佢每星期會抽3至4日練習，往往喺清晨6點鐘就起身跑步，之後再擺街站、開記者會，難免有啲眼瞓（口架）！
張國鈞身形一度似個波
鄭泳舜前排同公務員事務局局長聶德權拍住上、一齊練跑，問到佢仲有冇其他心水人選，之後再約其他局長練跑先？佢就話要諗吓仲有邊個鍾意跑步，不過就吓其他人做唔同運動都冇問題。對於可以舉行渣馬，佢期望香港田徑總會做好防疫工作，證明係一個好開始，令日後有更多體育盛事如常舉行。
講起運動，議員張國鈞話細個嗰陣，做運動多過讀書，甚至喺每個球隊都可以見到佢嘅身影。不過去到30至40歲嘅階段，因為工作繁忙就自暴自棄，仲話自己變到個波咁。好彩去到依家40幾歲重拾運動，不時都同黨友一齊踢波。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
