政情：李暉囡囡無興趣習武

李暉武藝精湛，以為囡囡會近水樓台跟佢習武？咁就錯啦！李暉笑言一睇女兒嘅身形，就唔似有練功夫啦。而Emily就解釋話，自己有興趣觀賞武術，但學就真係無興趣啦，反而喜歡新興嘅運動，閒時會攀石同玩滑板咁話。

雖然囡囡無意承繼李暉喺武術方面嘅衣鉢，但唔少小朋友都會跟佢「食夜粥」，李暉話有練開武術嘅小朋友與同輩相比，相對會「定啲」，即使依家係機不離手嘅時代，可以話佢哋用於練習拳腳招式嘅時間，同打機玩樂都好接近，時間管理做得唔錯。佢又分享話自己教學另類小小，唔會強迫，反而畀多啲空間等佢哋自由發揮。