政情：傳單仲偕赴美 歸港無期

單仲偕有兩個兒子分別住喺美國東岸及西岸，礙於疫情大家好耐都無見面，所以佢此行只係同家人團聚，至於幾時返港，起碼一年半載之後先至再打算。對於今個月尾民主黨將舉行特別會員大會，單依家仍在考慮會否寄出會員大會授權票，不過單又補充話，自己萌生退意，已卸下黨內所有職務，淡出政治舞台。

據悉，單喺大半年前已向多名黨友透露，自己有意到美國與家人團聚。之不過，佢因前年10‧1遊行而惹上官非，無奈推遲行程，直至今年5月獲判緩刑兩年，隨即啟動前往美國嘅計劃。